Anak si Sada en, Bunuh na Nola Emak na Bak Kapak
Sepah Setan: Anak en, Bunuh na Nola Emak na Bak Kapak
Singkilisme.com - Innalillahi wa innailaihi raji'un. Anak pekhana di Aceh Singkil en, soh ate na menganiaya emak kandongna bakken kapak soh bak meninggal dunia.
Gelakh inisial na IP (31) kalak kampong Sidorejo, Kecamatan Gunung Meriah. Bunuh na emak kandong nei di Dusun 5, Desa Telaga Bhakti, Kecamatan Singkil Utara selasa jengkas (1/3/2022).
Si melahekhken nei peh (AL) langkem meninggal dunia meokhen dakhoh siap ditakil na dua kali sang kekhakhong emak na.
Kapolres, Kasatreskrim Polres Aceh Singkil nai, AKP Abdul Halim mendokken semakden kejadien bunuh na emak nei, kepekken nggo lot niatna mebunuh bapak tirina (HM).
Soh mi sapo emak na, HM ndai oda lot idah na sapoi, makden kepek bapak tirina ndai balik kerajo. Soh mi sapo, khoh emak na tawarken mangan bak minum, oda mo anak na ndai sekel mangan bak minum ndai, tah kune pana fahi na anak na, ciumina. Anak na enda tading sapo emak na, emak na mo si menjaga anak nen. Tah kune pana, pungukhen emak nen, ajakhina anak nen.
Mekhasa oda pekhlu ne main ajakhen, khoh ia dahi lanjakh emak na ndai mi mbihin, tinjuna takal emak na, kukhum emak na, sampe pingsan ndabuh mi lante langkem.
"Idah tersangka kapak sang sesuki, amet na kapak si di idah na ndai, tekhus hampokkenna mi emak na dua kali sang tetakal emak na sampe emak na mate di bekas i'. Dokken Abdul Halim
Siap bunuh na, listun ia embahna anak na. Tapi oda ne ndekah khoh masyarakat tangkup ia bak diembah tekhus mi Polres Aceh Singkil.
Kade si bisa kita amet senden nai?
Ulang mo kita pehangat su, ulang kita sekel diajuhi setan. Kade poda akhtina.
Kade dokken Allah SWT bagas surah Ali ‘Imran [3] ayat 134:
الَّذِيْنَ يُنْفِقُوْنَ فِى السَّرَّۤاءِ وَالضَّرَّۤاءِ وَالْكٰظِمِيْنَ الْغَيْظَ وَالْعَافِيْنَ عَنِ النَّاسِۗ وَاللّٰهُ يُحِبُّ الْمُحْسِنِيْنَۚ ١٣٤
“(yaitu) orang yang berinfak, baik di waktu lapang maupun sempit, dan orang-orang yang menahan amarahnya dan memaafkan (kesalahan) orang lain. Dan Allah mencintai orang yang berbuat kebaikan.”
Belum ada Komentar untuk "Anak si Sada en, Bunuh na Nola Emak na Bak Kapak"
Posting Komentar